SV. KLIMENT OHRIDSKI

MAKEDONSKA PRAVOSLAVNA ZAEDNICA VO REPUBLIKA SLOVENIJA

Click here to edit subtitle

ПОЧИТУВАНИ ВЕРНИЦИ

Известување за престојните Велигденски празници

Почитувани верници и црковни одбори,

Во време кога целиот свет се соочува со вирус и последиците од него, како и лани така и оваа година нашиот најголем црковен празник Велигден за жал мора да го поминеме на поинаков начин од вообичаениот. По моменталните препораки на државните органи на Р.Словенија богослужбите во црквите се дозволени но мора де се извршуваат со точно ограничен број на верници. Во спротивно доколку не се придржуваме на предпишаните мерки следуваат парични казни кои се многу високи. Сите кои доаѓате во црквите гледате дека секое евро собрано од народот го инвестираме во самите цркви да ги направиме поубави и поблиски до верниците.

Од тие причини Ве замолуваме како одговорни и совесни граѓани на Р. Словенија да ја покажеме нашата совест и нашата култура, да се придржуваме на мерките и сами да придонесеме кон намалување на ширењето на вирусот.

Од страна на свештеници Протоереј Митко и Ереј Дејан ке бидат објавени и приложени на ова известување распоредите за богослужбите кои ке се одржат во повеке градови по цела Словенија.

Нашите препораки со молба на почитување на истите се следни:

  • Обавезно носење на заштитни маски и дезинфекција на рацете при влегување во црквата
  • Во внатрешноста на црквите присуство најповеке до 10 верници вклучувајки го и свештеникот и богослужителите кои ќе стојат на пропишаното меѓусебно растојание од 2м. Доколку при приходот во црква има повеќе верници во внатрешноста на црквата се почекува надвор и по излегување на верниците влегуваат други во исти број.
  • Задржувањата во внатрешноста на црквата да бидат што пократко да се овозможи што поголем број на верници да влезат во црквата и поклонат на бога.
  • Најстрого се забранува делење и конзумирање на храна и пијалоци во црквата.
  • Влегувањето и излегувањето во црквите да биде во тишина и мир, без гужвање и галама да не се смета во чинот на богослужбата.
  • Секој црковен одбор, црковна општина ке одреди по еден верник кој ке се грижи за редот на влегување и излегување на верниците и Ве замолуваме да го почитувате негото укажување затоа што се работи за добро на сите нас. Сега кога веќе не препознаваат како црква, верници и народ достоен за почит Ве молиме да не дозволиме со нашето однесување си го уништиме угледот на нашата црква и на нас самите пред државјаните и органите во Р. Словенија.
  • За да олесниме на сите вас предлагаме до сите црковни одбори богослужбите да ги пренесуваат и преку интернет на Facebuk се со цел да ја приближиме богослужбата и празничната атмосфера во вашиот дом.
  • Полнокната богослужба за која ке се одржи во Љубљана и Копер ке биди наменета за причест на сите оние кои ги постеле велигденските пости, со почитување на погоре наведените препораки (број на верници , ред , мир..) За жал обредот пред црквата и вртење околу црквата несмеат да се извршуваат.

Многу од нас ќе си помислат дека со овие драстични мерки ни се повредува верата. Но онаа што е во опасност не е верата туку верниците, не е Xристос туку xристијаните не е Богочовекот туку луѓето. Нашата вера е жива, длабоко втемелена во корените на нашиот Македонски народ и никаква вонредна ситуација неможе да ја ограничи.

Нашата Црква е наш заеднички дом, наше место за заедништво во Светата Литургија. Во овие моменти оневозможени сме да се собереме во тој Дом за Велигденските празници , домот во кој го добиваме потполниот наш идентитет Xристовиот.

На ВЕЛИГДЕН радосно да запееме ,во секој дом да мириса на темјан и да се слуша:

XРИСТОС ВОСКРЕСНА !!!

Во име на Црковните одбори Ви ги честитаме престојниве Велигденски празници и воедно Ве известувам дека доколку Ви се потребни свеќи и темјан за дома на Велики Петок 30.04.2021г во нашите Цркви во Љубљана, Крањ и Копер од 10ч – 16ч можете да си набавите со почитување на погоренаведените мерки .

Љубљана, 27.04.2021 Претседател на УО на МПЗ Маг. Трајчо Андонов

Протоереј Митко Газинковски

Eреј Дејан Миловски

РАСПОРЕД НА БОГОСЛУЖБИТЕ ЗА ВЕЛИГДЕН 2021

1. ВЕЛИКИ ЧЕТВРТОК 29.04.2021

- Крањ 10ч ( Света Божествена Литургија и Маслосвет)

- ЉУБЉАНА 19h

2. ВЕЛИКИ ПЕТОК 30.04.2021

- ЉУБЉАНА 16ч 30м

- КРАЊ 18ч

( ЦРКВИТЕ ЌЕ БИДАТ ОТВОРЕНИ ОД 10ч )

-

3. ВЕЛИКА САБОТА 01.05.2021

- Марибор 10ч ( Света Божествена Литургија )

- Љубљана 23ч 30мин ( Утрена и Света Божествена Литургија )

( заради одреден број на присутни верници во Црквата ве замолувам да отстапиме место на оние кои сакаат да се причестат)

4. НЕДЕЛА – ВЕЛИГДЕН 2.05.2021 ( ЦРКВИТЕ ЌЕ БИДАТ ОТВОРЕНИ ДО 13ч )

- Крањ 08ч 30м

- Љубљана 10ч 30м